Today's top 5 Urdu Shayari

ḳhud-kushī qatl-e-anā tark-e-tamannā bairāg

zindagī tere nazar aane lage hal kitne

KHud-kushi qatl-e-ana tark-e-tamanna bairag

zindagi tere nazar aane lage hal kitne

yuuñ to ab bhī hai vahī rañj vahī mahrūmī

vo jo ik terī taraf se thā ishārā na rahā

yun to ab bhi hai wahi ranj wahi mahrumi

wo jo ek teri taraf se tha ishaara na raha

in meñ kyā farq hai ab is kā bhī ehsās nahīñ

dard aur dil kā zarā dekhiye yaksāñ honā

in mein kya farq hai ab is ka bhi ehsas nahin

dard aur dil ka zara dekhiye yaksan hona

rañg-e-mahfil chāhtā hai ik mukammal inqalāb

chand sham.oñ ke bhaḌakne se sahar hotī nahīñ

rang-e-mahfil chahta hai ek mukammal inqalab

chand shamon ke bhaDakne se sahar hoti nahin

āġhāz-e-mohabbat se anjām-e-mohabbat tak

guzrā hai jo kuchh ham par tum ne bhī sunā hogā

aaghaz-e-mohabbat se anjam-e-mohabbat tak

guzra hai jo kuchh hum par tum ne bhi suna hoga