Today's top 5 Urdu Shayari

āñkheñ na jiine deñgī tirī be-vafā mujhe

kyuuñ khiḌkiyoñ se jhāñk rahī hai qazā mujhe

aankhen na jine dengi teri be-wafa mujhe

kyun khiDkiyon se jhank rahi hai qaza mujhe

ye ḳhud-navisht to mujh ko adhūrī lagtī hai

jo ho sake to nayā intisāb māñgūñ maiñ

ye KHud-nawisht to mujh ko adhuri lagti hai

jo ho sake to naya intisab mangun main

din kaTā fariyād se aur raat zaarī se kaTī

umr kaTne ko kaTī par kitnī ḳhvārī se kaTī

din kaTa fariyaad se aur raat zari se kaTi

umr kaTne ko kaTi par kitni KHwari se kaTi

vo saarī ḳhushiyāñ jo us ne chāhīñ uThā ke jholī meñ apnī rakh liiñ

hamāre hisse meñ uzr aa.e javāz aa.e usuul aa.e

wo sari KHushiyan jo us ne chahin uTha ke jholi mein apni rakh lin

hamare hisse mein uzr aae jawaz aae usul aae

na chārāgar kī zarūrat na kuchh davā kī hai

duā ko haath uThāo ki ġham kī raat kaTe

na chaaragar ki zarurat na kuchh dawa ki hai

dua ko hath uThao ki gham ki raat kaTe