Today's top 5 Urdu Shayari

ġhusse meñ barhamī meñ ġhazab meñ itaab meñ

ḳhud aa ga.e haiñ vo mire ḳhat ke javāb meñ

ghusse mein barhami mein ghazab mein itab mein

KHud aa gae hain wo mere KHat ke jawab mein

tum sāda-mizājī se miTe phirte ho jis par

vo shaḳhs to duniyā meñ kisī kā bhī nahīñ hai

tum sada-mizaji se miTe phirte ho jis par

wo shaKHs to duniya mein kisi ka bhi nahin hai

jab talak quvvat-e-taḳhayyul hai

aap pahlū se uTh nahīñ sakte

jab talak quwwat-e-taKHayyul hai

aap pahlu se uTh nahin sakte

koī fariyād tire dil meñ dabī ho jaise

tū ne āñkhoñ se koī baat kahī ho jaise

koi fariyaad tere dil mein dabi ho jaise

tu ne aankhon se koi baat kahi ho jaise

naav na Duubī dariyā meñ

naav meñ dariyā Duub gayā

naw na Dubi dariya mein

naw mein dariya Dub gaya