Today's top 5 Urdu Shayari

muddat ke ba.ad aaj use dekh kar 'munīr'

ik baar dil to dhaḌkā magar phir sambhal gayā

muddat ke baad aaj use dekh kar 'munir'

ek bar dil to dhaDka magar phir sambhal gaya

tum ye kahte ho ki maiñ ġhair huuñ phir bhī shāyad

nikal aa.e koī pahchān zarā dekh to lo

tum ye kahte ho ki main ghair hun phir bhi shayad

nikal aae koi pahchan zara dekh to lo

allāh-re bhulāpā muñh dho ke ḳhud vo bole

sūñgho to ho gayā ye paanī gulāb kyūñkar

allah-re bhulapa munh dho ke KHud wo bole

sungho to ho gaya ye pani gulab kyunkar

ḳhushī milī to ye aalam thā bad-havāsī kā

ki dhyān hī na rahā ġham kī be-libāsī kā

KHushi mili to ye aalam tha bad-hawasi ka

ki dhyan hi na raha gham ki be-libasi ka

jamhūriyat ke biich phañsī aqaliyat thā dil

mauqa jise jidhar se milā vaar kar diyā

jamhuriyat ke bich phansi aqaliyat tha dil

mauqa jise jidhar se mila war kar diya