Today's top 5 Urdu Shayari

kis kī talāsh hai hameñ kis ke asar meñ haiñ

jab se chale haiñ ghar se musalsal safar meñ haiñ

kis ki talash hai hamein kis ke asar mein hain

jab se chale hain ghar se musalsal safar mein hain

chalte rahe to kaun sā apnā kamāl thā

ye vo safar thā jis meñ Thaharnā muhāl thā

chalte rahe to kaun sa apna kamal tha

ye wo safar tha jis mein Thaharna muhaal tha

āġhāz-e-mohabbat se anjām-e-mohabbat tak

guzrā hai jo kuchh ham par tum ne bhī sunā hogā

aaghaz-e-mohabbat se anjam-e-mohabbat tak

guzra hai jo kuchh hum par tum ne bhi suna hoga

aarzū terī barqarār rahe

dil kā kyā hai rahā rahā na rahā

aarzu teri barqarar rahe

dil ka kya hai raha raha na raha

tire visāl kī kab aarzū rahī dil ko

ki ham ne chāhā tujhe shauq-e-be-sabab ke liye

tere visal ki kab aarzu rahi dil ko

ki hum ne chaha tujhe shauq-e-be-sabab ke liye