ٹاپ 5 اردو شاعری| ریختہ

کس کی تلاش ہے ہمیں کس کے اثر میں ہیں

جب سے چلے ہیں گھر سے مسلسل سفر میں ہیں

آشفتہ چنگیزی

چلتے رہے تو کون سا اپنا کمال تھا

یہ وہ سفر تھا جس میں ٹھہرنا محال تھا

شبنم شکیل

آغاز محبت سے انجام محبت تک

گزرا ہے جو کچھ ہم پر تم نے بھی سنا ہوگا

دل شاہجہاں پوری

آرزو تیری برقرار رہے

دل کا کیا ہے رہا رہا نہ رہا

حسرتؔ موہانی

ترے وصال کی کب آرزو رہی دل کو

کہ ہم نے چاہا تجھے شوق بے سبب کے لیے

عظیم قریشی

آج کے منتخب ۵ شعر