Today's top 5 Urdu Shayari

pūjtā huuñ kabhī but ko kabhī paḌhtā huuñ namāz

merā maz.hab koī hindū na musalmāñ samjhā

pujta hun kabhi but ko kabhi paDhta hun namaz

mera mazhab koi hindu na musalman samjha

thī vasl meñ bhī fikr-e-judā.ī tamām shab

vo aa.e to bhī niiñd na aa.ī tamām shab

thi wasl mein bhi fikr-e-judai tamam shab

wo aae to bhi nind na aai tamam shab

pahuñchūñ maiñ kis kī kohna haqīqat ko aaj tak

'inshā' mujhe milā nahīñ apnā hī kuchh surāġh

pahunchun main kis ki kohna haqiqat ko aaj tak

'insha' mujhe mila nahin apna hi kuchh suragh

ye hasrat rah ga.ī kyā kyā maze se zindagī karte

agar hotā chaman apnā gul apnā bāġhbāñ apnā

ye hasrat rah gai kya kya maze se zindagi karte

agar hota chaman apna gul apna baghban apna

fanā hī kā hai baqā naam dūsrā 'anjum'

nafas kī āmad-o-shud maut kā tarāna hai

fana hi ka hai baqa nam dusra 'anjum'

nafas ki aamad-o-shud maut ka tarana hai