Today's top 5 Urdu Shayari

tamām umr isī ehtiyāt meñ guzrī

ki āshiyāñ kisī shāḳh-e-chaman pe baar na ho

tamam umr isi ehtiyat mein guzri

ki aashiyan kisi shaKH-e-chaman pe bar na ho

shahr-vāloñ kī mohabbat kā maiñ qaa.el huuñ magar

maiñ ne jis haath ko chūmā vahī ḳhanjar niklā

shahr-walon ki mohabbat ka main qael hun magar

main ne jis hath ko chuma wahi KHanjar nikla

kal thake-hāre parindoñ ne nasīhat kī mujhe

shaam Dhal jaa.e to 'mohsin' tum bhī ghar jaayā karo

kal thake-haare parindon ne nasihat ki mujhe

sham Dhal jae to 'mohsin' tum bhi ghar jaya karo

mujhe girnā hai to maiñ apne hī qadmoñ meñ girūñ

jis tarah sāya-e-dīvār pe dīvār gire

mujhe girna hai to main apne hi qadmon mein girun

jis tarah saya-e-diwar pe diwar gire

shahr meñ kis se suḳhan rakhiye kidhar ko chaliye

itnī tanhā.ī to ghar meñ bhī hai ghar ko chaliye

shahr mein kis se suKHan rakhiye kidhar ko chaliye

itni tanhai to ghar mein bhi hai ghar ko chaliye