Today's top 5 Urdu Shayari

pur-kaif bahāroñ ne bhī dil toḌ diyā hai

haañ un ke nazāroñ ne bhī dil toḌ diyā hai

pur-kaif bahaaron ne bhi dil toD diya hai

han un ke nazaron ne bhi dil toD diya hai

ek hameñ āvāra kahnā koī baḌā ilzām nahīñ

duniyā vaale dil vāloñ ko aur bahut kuchh kahte haiñ

ek hamein aawara kahna koi baDa ilzam nahin

duniya wale dil walon ko aur bahut kuchh kahte hain

nazar se hadd-e-nazar tak tamām tārīkī

ye ehtimām hai ik va.ada-e-sahar ke liye

nazar se hadd-e-nazar tak tamam tariki

ye ehtimam hai ek wada-e-sahar ke liye

tum yuuñ hī nārāz hue ho varna mai-ḳhāne kā patā

ham ne har us shaḳhs se pūchhā jis ke nain nashīle the

tum yun hi naraaz hue ho warna mai-KHane ka pata

hum ne har us shaKHs se puchha jis ke nain nashile the

ai dost tujh ko rahm na aa.e to kyā karūñ

dushman bhī mere haal pe ab āb-dīda hai

ai dost tujh ko rahm na aae to kya karun

dushman bhi mere haal pe ab aab-dida hai