Today's top 5 Urdu Shayari

mere hone meñ mirā apnā nahīñ thā kuchh sharīk

merī hastī sirf tere e'tinā kī baat thī

mere hone mein mera apna nahin tha kuchh sharik

meri hasti sirf tere e'tina ki baat thi

faqīr-e-shahr bhī rahā huuñ 'shahryār' bhī magar

jo itminān faqr meñ hai tāj-o-taḳht meñ nahīñ

faqir-e-shahr bhi raha hun 'shahryar' bhi magar

jo itminan faqr mein hai taj-o-taKHt mein nahin

jo dekhte tirī zanjīr-e-zulf kā aalam

asiir hone kī āzād aarzū karte

jo dekhte teri zanjir-e-zulf ka aalam

asir hone ki aazad aarzu karte

mire ḳhudā ne kiyā thā mujhe asīr-e-bahisht

mire gunah ne rihā.ī mujhe dilā.ī hai

mere KHuda ne kiya tha mujhe asir-e-bahisht

mere gunah ne rihai mujhe dilai hai

ham us kī zulf kī zanjīr meñ hue haiñ asiir

sajan ke sar kī balā aa paḌī hamāre gale

hum us ki zulf ki zanjir mein hue hain asir

sajan ke sar ki bala aa paDi hamare gale