Today's top 5 Urdu Shayari

shaam tak sub.h kī nazroñ se utar jaate haiñ

itne samjhautoñ pe jiite haiñ ki mar jaate haiñ

sham tak subh ki nazron se utar jate hain

itne samjhauton pe jite hain ki mar jate hain

kaun kahtā hai ki maut aa.ī to mar jā.ūñgā

maiñ to dariyā huuñ samundar meñ utar jā.ūñgā

kaun kahta hai ki maut aai to mar jaunga

main to dariya hun samundar mein utar jaunga

vo ek hī chehra to nahīñ saare jahāñ meñ

jo duur hai vo dil se utar kyuuñ nahīñ jaatā

wo ek hi chehra to nahin sare jahan mein

jo dur hai wo dil se utar kyun nahin jata

tamām raat nahāyā thā shahr bārish meñ

vo rañg utar hī ga.e jo utarne vaale the

tamam raat nahaya tha shahr barish mein

wo rang utar hi gae jo utarne wale the

ham to samjhe the ki ik zaḳhm hai bhar jā.egā

kyā ḳhabar thī ki rag-e-jāñ meñ utar jā.egā

hum to samjhe the ki ek zaKHm hai bhar jaega

kya KHabar thi ki rag-e-jaan mein utar jaega