Today's top 5 Urdu Shayari

sab log jidhar vo haiñ udhar dekh rahe haiñ

ham dekhne vāloñ kī nazar dekh rahe haiñ

sab log jidhar wo hain udhar dekh rahe hain

hum dekhne walon ki nazar dekh rahe hain

apnī marzī se kahāñ apne safar ke ham haiñ

ruḳh havāoñ kā jidhar kā hai udhar ke ham haiñ

apni marzi se kahan apne safar ke hum hain

ruKH hawaon ka jidhar ka hai udhar ke hum hain

vo kisī ko yaad kar ke muskurāyā thā udhar

aur maiñ nādān ye samjhā ki vo merā huā

wo kisi ko yaad kar ke muskuraya tha udhar

aur main nadan ye samjha ki wo mera hua

jidhar jaate haiñ sab jaanā udhar achchhā nahīñ lagtā

mujhe pāmāl rastoñ kā safar achchhā nahīñ lagtā

jidhar jate hain sab jaana udhar achchha nahin lagta

mujhe pamal raston ka safar achchha nahin lagta

maiñ roz idhar se guzartā huuñ kaun dekhtā hai

maiñ jab idhar se na guzrūñgā kaun dekhegā

main roz idhar se guzarta hun kaun dekhta hai

main jab idhar se na guzrunga kaun dekhega