Today's top 5 Urdu Shayari

maiñ de rahā huuñ tujhe ḳhud se iḳhtilāf kā haq

ye iḳhtilāf kā haq hai muḳhālifat kā nahīñ

main de raha hun tujhe KHud se iKHtilaf ka haq

ye iKHtilaf ka haq hai muKHalifat ka nahin

maiñ kashtī meñ akelā to nahīñ huuñ

mire hamrāh dariyā jā rahā hai

main kashti mein akela to nahin hun

mere hamrah dariya ja raha hai

daa.im paḌā huā tire dar par nahīñ huuñ maiñ

ḳhaak aisī zindagī pe ki patthar nahīñ huuñ maiñ

daim paDa hua tere dar par nahin hun main

KHak aisi zindagi pe ki patthar nahin hun main

irāda to nahīñ hai ḳhud-kushī kā

magar maiñ zindagī se ḳhush nahīñ huuñ

irada to nahin hai KHud-kushi ka

magar main zindagi se KHush nahin hun

apnī taraf to maiñ bhī nahīñ huuñ abhī talak

aur us taraf tamām zamāna usī kā hai

apni taraf to main bhi nahin hun abhi talak

aur us taraf tamam zamana usi ka hai