maiñ de rahā huuñ tujhe ḳhud se iḳhtilāf kā haq

ye iḳhtilāf kā haq hai muḳhālifat kā nahīñ

main de raha hun tujhe KHud se iKHtilaf ka haq

ye iKHtilaf ka haq hai muKHalifat ka nahin

us ke kamre se uThā laayā huuñ yādeñ apnī

ḳhud paḌā rah gayā lekin kisī almārī meñ

us ke kamre se uTha laya hun yaaden apni

KHud paDa rah gaya lekin kisi almari mein

merā ye dukh ki maiñ sikka huuñ ga.e vaqtoñ kā

terā ho kar bhī tire kaam nahīñ aa saktā

mera ye dukh ki main sikka hun gae waqton ka

tera ho kar bhi tere kaam nahin aa sakta

kahānī phail rahī hai usī ke chāroñ taraf

nikālnā thā jise dāstāñ ke andar se

kahani phail rahi hai usi ke chaaron taraf

nikalna tha jise dastan ke andar se

apnī mastī ki tire qurb kī sarshārī meñ

ab maiñ kuchh aur bhī āsān huuñ dushvārī meñ

apni masti ki tere qurb ki sarshaari mein

ab main kuchh aur bhi aasan hun dushwari mein