aadmī ko chāhiye taufīq chalne kī faqat

kuchh nahīñ to guzre vaqtoñ kā dhuāñ le kar chale

aadmi ko chahiye taufiq chalne ki faqat

kuchh nahin to guzre waqton ka dhuan le kar chale

'āzim' terī barbādī meñ sab ne mil-jul kar kaam kiyā

kuchh khel lakīroñ kā bhī hai kuchh vaqt kī kār-guzārī bhī

'azim' teri barbaadi mein sab ne mil-jul kar kaam kiya

kuchh khel lakiron ka bhi hai kuchh waqt ki kar-guzari bhi

dukh pe mere ro rahā thā jo bahut

jaate jaate kah gayā achchhā huā

dukh pe mere ro raha tha jo bahut

jate jate kah gaya achchha hua

ham ne mil-jul ke guzāre the jo din achchhe the

lamhe vo phir se jo aate to bahut achchhā thā

hum ne mil-jul ke guzare the jo din achchhe the

lamhe wo phir se jo aate to bahut achchha tha

zindagī sundar ġhazal hai dosto

zindagī ko gungunānā chāhiye

zindagi sundar ghazal hai dosto

zindagi ko gungunana chahiye