لوگوں کو اپنی فکر ہے لیکن مجھے ندیم

بزم حیات و نظم گلستاں کی فکر ہے

دل نے ہر دور میں دنیا سے بغاوت کی ہے

دل سے تم رسم و روایات کی باتیں نہ کرو

وقت مہلت نہ دے گا پھر تم کو

تیر جس دم کمان سے نکلا

ہم نفس خواب جنوں کی کوئی تعبیر نہ دیکھ

رقص کرنا ہے تو پھر پاؤں کی زنجیر نہ دیکھ

کتنے بے نور ہیں یہ ہنگامے

میں بھرے شہر میں بھی ہوں تنہا

الفاظ مدح خواں تھے قلم تھے بکے ہوئے

کیسے تراش لیتے کوئی شاہ کار ہم

انتشار و خوف ہر اک سر میں ہے

عافیت سے کون اپنے گھر میں ہے

کتنے ہی زخم ہرے ہیں مرے سینے میں نیازؔ

آپ اب مجھ سے عنایات کی باتیں نہ کرو

بے رخی دیکھ اب زمانے کی

مدعا کیوں زبان سے نکلا

بسا کے دل میں ترے غم ترے ستم اے دوست

جہاں جہاں سے بھی گزرا میں نغمہ خواں گزرا