sunā hai shahr kā naqsha badal gayā 'mahfūz'

to chal ke ham bhī zarā apne ghar ko dekhte haiñ

suna hai shahr ka naqsha badal gaya 'mahfuz'

to chal ke hum bhi zara apne ghar ko dekhte hain

us se milnā aur bichhaḌnā der tak phir sochnā

kitnī dushvārī ke saath aa.e the āsānī meñ ham

us se milna aur bichhaDna der tak phir sochna

kitni dushwari ke sath aae the aasani mein hum

jo na karnā ho vahī kaam tumhāre liye hai

mere hisse kā bhī ārām tumhāre liye hai

jo na karna ho wahi kaam tumhaare liye hai

mere hisse ka bhi aaram tumhaare liye hai

bichhaḌ ke ḳhaak hue ham to kyā zarā dekho

ġhubār jā ke usī kārvāñ se miltā hai

bichhaD ke KHak hue hum to kya zara dekho

ghubar ja ke usi karwan se milta hai

kahāñ kisī ko thī fursat fuzūl bātoñ kī

tamām raat vahāñ zikr bas tumhārā thā

kahan kisi ko thi fursat fuzul baaton ki

tamam raat wahan zikr bas tumhaara tha

nahīñ āsmāñ tirī chaal meñ nahīñ ā.ūñgā

maiñ palaT ke ab kisī haal meñ nahīñ ā.ūñgā

nahin aasman teri chaal mein nahin aaunga

main palaT ke ab kisi haal mein nahin aaunga

yahīñ gum huā thā ka.ī baar maiñ

ye rasta hai sab merā dekhā huā

yahin gum hua tha kai bar main

ye rasta hai sab mera dekha hua

ham ko āvārgī kis dasht meñ laa.ī hai ki ab

koī imkāñ hī nahīñ lauT ke ghar jaane kā

hum ko aawargi kis dasht mein lai hai ki ab

koi imkan hi nahin lauT ke ghar jaane ka

kisī se kyā kaheñ suneñ agar ġhubār ho ga.e

hamīñ havā kī zad meñ the hamīñ shikār ho ga.e

kisi se kya kahen sunen agar ghubar ho gae

hamin hawa ki zad mein the hamin shikar ho gae

use bhulāyā to apnā ḳhayāl bhī na rahā

ki merā saarā asāsa isī makān meñ thā

use bhulaya to apna KHayal bhi na raha

ki mera sara asasa isi makan mein tha

milne diyā na us se hameñ jis ḳhayāl ne

sochā to us ḳhayāl se sadma bahut huā

milne diya na us se hamein jis KHayal ne

socha to us KHayal se sadma bahut hua

ab is makāñ meñ nayā koī dar nahīñ karnā

ye kaam sahl bahut hai magar nahīñ karnā

ab is makan mein naya koi dar nahin karna

ye kaam sahl bahut hai magar nahin karna

gum-shuda maiñ huuñ to har samt bhī gum hai mujh meñ

dekhtā huuñ vo kidhar DhūñDne jaatā hai mujhe

gum-shuda main hun to har samt bhi gum hai mujh mein

dekhta hun wo kidhar DhunDne jata hai mujhe

dekhnā hī jo shart Thahrī hai

phir to āñkhoñ meñ koī manzar ho

dekhna hi jo shart Thahri hai

phir to aankhon mein koi manzar ho

dāman ko zarā jhaTak to dekho

duniyā hai kuchh aur shai nahīñ hai

daman ko zara jhaTak to dekho

duniya hai kuchh aur shai nahin hai

tārīkī ke raat azaab hī kyā kam the

din niklā to sūraj bhī saffāk huā

tariki ke raat azab hi kya kam the

din nikla to suraj bhi saffak hua

yuuñ to bahut hai mushkil band-e-qabā kā khulnā

jo khul gayā to phir ye uqda khulā rahegā

yun to bahut hai mushkil band-e-qaba ka khulna

jo khul gaya to phir ye uqda khula rahega

ye shuġhl-e-zabānī bhī be-sarfa nahīñ āḳhir

sau baat banātā huuñ ik baat banāne ko

ye shughl-e-zabani bhi be-sarfa nahin aaKHir

sau baat banata hun ek baat banane ko

mirī ibtidā mirī intihā kahīñ aur hai

maiñ shumāra-e-mah-o-sāl meñ nahīñ ā.ūñgā

meri ibtida meri intiha kahin aur hai

main shumara-e-mah-o-sal mein nahin aaunga

chaḌhā huā thā vo dariyā agar hamāre liye

to dekhte hī rahe kyuuñ utar nahīñ ga.e ham

chaDha hua tha wo dariya agar hamare liye

to dekhte hi rahe kyun utar nahin gae hum

ye kaisā ḳhuuñ hai ki bah rahā hai na jam rahā hai

ye rañg dekhūñ ki dil jigar kā fishār dekhūñ

ye kaisa KHun hai ki bah raha hai na jam raha hai

ye rang dekhun ki dil jigar ka fishaar dekhun

shor harīm-e-zāt meñ āḳhir uTThā kyuuñ

andar dekhā jaa.e ki bāhar dekhā jaa.e

shor harim-e-zat mein aaKHir uTTha kyun

andar dekha jae ki bahar dekha jae

dil ne lagā diyā hai jo ik kaam se mujhe

har dam laḌā.ī rahtī hai ārām se mujhe

dil ne laga diya hai jo ek kaam se mujhe

har dam laDai rahti hai aaram se mujhe

ye jo dhuāñ dhuāñ sā hai dasht-e-gumāñ ke ās-pās

kyā koī aag bujh ga.ī sarhad-e-jāñ ke ās-pās

ye jo dhuan dhuan sa hai dasht-e-guman ke aas-pas

kya koi aag bujh gai sarhad-e-jaan ke aas-pas

jāntā huuñ in dinoñ kaisā hai dariyā kā mizāj

is liye sāhil se thoḌā fāsla rakhtā huuñ maiñ

jaanta hun in dinon kaisa hai dariya ka mizaj

is liye sahil se thoDa fasla rakhta hun main

zaḳhmoñ ko ashk-e-ḳhūñ se sairāb kar rahā huuñ

ab aur bhī tumhārā chehra khilā rahegā

zaKHmon ko ashk-e-KHun se sairab kar raha hun

ab aur bhi tumhaara chehra khila rahega

aate aate aa.egā un kā ḳhayāl

jaate jaate be-ḳhayālī jā.egī

aate aate aaega un ka KHayal

jate jate be-KHayali jaegi

dil meñ mire kuchh aur thā lekin kahā kuchh aur

achchhā huā kuchh aur se samjhā gayā kuchh aur

dil mein mere kuchh aur tha lekin kaha kuchh aur

achchha hua kuchh aur se samjha gaya kuchh aur

raat sargoshiyāñ bhī kartī hai

kaan kholo kabhī añdhere meñ

raat sargoshiyan bhi karti hai

kan kholo kabhi andhere mein

terī ik baat nikālī thī ki raat

kitne hī bātoñ ke pahlū nikle

teri ek baat nikali thi ki raat

kitne hi baaton ke pahlu nikle

shāyad ki rihā.ī ho gul hī kī zamānat par

ham mauj-e-tabassum kī zanjīr ke qaidī haiñ

shayad ki rihai ho gul hi ki zamanat par

hum mauj-e-tabassum ki zanjir ke qaidi hain

use ye zid thī ki phir us kā tazkira hotā

maiñ chup rahā ki vo qissa purānā ho gayā thā

use ye zid thi ki phir us ka tazkira hota

main chup raha ki wo qissa purana ho gaya tha

raat havā tūfānī hogī

saath raho āsānī hogī

raat hawa tufani hogi

sath raho aasani hogi

jaane kyā baat thī añdhere meñ

raushnī sī rahī añdhere meñ

jaane kya baat thi andhere mein

raushni si rahi andhere mein

kyā musībat haath ḳhālī jā.egī

jaan le kar hī ye saalī jā.egī

kya musibat hath KHali jaegi

jaan le kar hi ye sali jaegi

zehn par zor bhī Daalo to na yaad aa.uuñ maiñ

is tarah parda-e-nisyāñ meñ chhupā lo mujh ko

zehn par zor bhi Dalo to na yaad aaun main

is tarah parda-e-nisyan mein chhupa lo mujh ko

ḳhush hue itne ki ham se pahle

maqdam-e-yār ko aañsū nikle

KHush hue itne ki hum se pahle

maqdam-e-yar ko aansu nikle

kyā tamāshā hai ki āvāra phirātī hai mujhe

ik tamanna ki mire zer-e-asar koī ho

kya tamasha hai ki aawara phiraati hai mujhe

ek tamanna ki mere zer-e-asar koi ho

dekhiye ab ke ulajhtā hai to kyā kartā hai vo

us ke aage phir nayā ik mas.ala rakhtā huuñ maiñ

dekhiye ab ke ulajhta hai to kya karta hai wo

us ke aage phir naya ek masala rakhta hun main

apne hī aks kā chakkar to nahīñ chāroñ taraf

ki nazar aate haiñ ab ḳhud ko hamīñ chāroñ taraf

apne hi aks ka chakkar to nahin chaaron taraf

ki nazar aate hain ab KHud ko hamin chaaron taraf

tum abhī tark-e-rifāqat kā irāda na karo

is ke aage bhī to mumkin hai ḳhabar koī ho

tum abhi tark-e-rifaqat ka irada na karo

is ke aage bhi to mumkin hai KHabar koi ho