کل جو قاتل تھے وہی آئے مسیحا بن کر

رہیے ان لوگوں سے ہشیار چنا جور گرم

کچھ دیر دم ہلائیے آقا کے سامنے

پھیلا کے پاؤں گھر پہ پھر آرام کیجئے

زندگی ہو مری نیتاؤں کی صورت یا رب

ہو فقط اپنی غرض سے ہی محبت یا رب

یاران ہم مذاق کی محفل سجائیے

جو متفق نہ ہو اسے بدنام کیجئے

اپنی غرض کے آگے صدائے ضمیر کیا

سارے تکلفات کو نیلام کیجئے

دل بدل جتنے ہیں کہتے ہیں یہ سینہ تانے

ہم ہیں غالبؔ کے طرف دار چنا جور گرم

جنتا کا خون بیچئے پیسے کمائیے

کیوں شکوہ ہائے گردش ایام کیجئے

یہ فن پہ تبصرہ تو کرتے نہیں ذرا بھی

بس شخصیت کا ان کی ڈھوتے پھریں گے لاشہ

رہوں آزاد نہ ہو قید مقامی مالک

دل بدلنا ہو مرا شغل دوامی مالک

اردو کا اقبال بھی دیکھا

اور اس کو پامال بھی دیکھا

لیڈر جو نظر آئے تو بولو یہ ادب سے

تقریر میں تم گرمیٔ وہسکی سے جلا دو