ہیں راکھ راکھ مگر آج تک نہیں بکھرے

کہو ہوا سے ہماری مثال لے آئے

اپنے ہی فن کی آگ میں جلتے رہے شمیمؔ

ہونٹوں پہ سب کے حوصلہ افزائی رہ گئی

وقت اک موج ہے آتا ہے گزر جاتا ہے

ڈوب جاتے ہیں جو لمحات ابھرتے کب ہیں

جھوٹ سچ میں کوئی پہچان کرے بھی کیسے

جو حقیقت کا ہی معیار فسانہ ٹھہرا

دھوپ چھوتی ہے بدن کو جب شمیمؔ

برف کے سورج پگھل جاتے ہیں کیوں

ہر ایک لفظ میں پوشیدہ اک الاؤ نہ رکھ

ہے دوستی تو تکلف کا رکھ رکھاؤ نہ رکھ

حصار ذات سے کٹ کر تو جی نہیں سکتے

بھنور کی زد سے یوں محفوظ اپنی ناؤ نہ رکھ