ḳhudā badal na sakā aadmī ko aaj bhī 'hosh'

aur ab tak aadmī ne saikḌoñ ḳhudā badle

KHuda badal na saka aadmi ko aaj bhi 'hosh'

aur ab tak aadmi ne saikDon KHuda badle

miTTī meñ kitne phuul paḌe sūkhte rahe

rañgīn pattharoñ se bahaltā rahā huuñ maiñ

miTTi mein kitne phul paDe sukhte rahe

rangin pattharon se bahalta raha hun main

dīvār un ke ghar kī mirī dhuup le ga.ī

ye baat bhūlne meñ zamāna lagā mujhe

diwar un ke ghar ki meri dhup le gai

ye baat bhulne mein zamana laga mujhe

kyā sitam karte haiñ miTTī ke khilaune vaale

raam ko rakkhe hue baiThe haiñ rāvan ke qarīb

kya sitam karte hain miTTi ke khilaune wale

ram ko rakkhe hue baiThe hain rawan ke qarib

aadmī pahle bhī nañgā thā magar jism talak

aaj to ruuh ko bhī ham ne barahna paayā

aadmi pahle bhi nanga tha magar jism talak

aaj to ruh ko bhi hum ne barahna paya