vo un kā zamāna thā jahāñ aql baḌī thī

ye merā zamāna hai yahāñ bhaiñs baḌī hai

wo un ka zamana tha jahan aql baDi thi

ye mera zamana hai yahan bhains baDi hai

vaa.iz ne mujh meñ dekhī hai īmān kī kamī

vaa.iz meñ sirf dum kī kasar dekhtā huuñ maiñ

waiz ne mujh mein dekhi hai iman ki kami

waiz mein sirf dum ki kasar dekhta hun main

jis maulvī ko aage paḌhānā thā merā aqd

Thahrā hai un kā aqd usī maulvī ke saath

jis maulwi ko aage paDhana tha mera aqd

Thahra hai un ka aqd usi maulwi ke sath

DhūñDiye ḳhair se jā kar koī moTī sasurāl

haath jo muft meñ aa.e to vo maal achchhā hai

DhunDiye KHair se ja kar koi moTi sasural

hath jo muft mein aae to wo mal achchha hai

hukm begam ke chalā karte haiñ jelar kī tarah

ab mirā ghar bhī mujhe jail huā jaatā hai

hukm begam ke chala karte hain jelar ki tarah

ab mera ghar bhi mujhe jail hua jata hai