Mahesh Chandra Naqsh
Ghazal 26
Sher-o-Shayari 25
duniyā se haT ke ik na.ī duniyā banā sakeñ
kuchh ahl-e-ārzū isī hasrat meñ mar ga.e
duniya se haT ke ek nai duniya bana saken
kuchh ahl-e-arzu isi hasrat mein mar gae
haal kah dete haiñ nāzuk se ishāre akasr
kitnī ḳhāmosh nigāhoñ kī zabāñ hotī hai
haal kah dete hain nazuk se ishaare akasr
kitni KHamosh nigahon ki zaban hoti hai
merī ḳhāmoshiyoñ ke aalam meñ
guuñj uThtī hai aap kī āvāz
meri KHamoshiyon ke aalam mein
gunj uThti hai aap ki aawaz
mohabbat kā un ko yaqīñ aa chalā hai
haqīqat bane jā rahe haiñ fasāne
mohabbat ka un ko yaqin aa chala hai
haqiqat bane ja rahe hain fasane
taskīn de sakeñge na jām-o-subū mujhe
bechain kar rahī hai tirī aarzū mujhe
taskin de sakenge na jam-o-subu mujhe
bechain kar rahi hai teri aarzu mujhe
