Akhtar Ansari
Ghazal 45
Sher-o-Shayari 27
haañ kabhī ḳhvāb-e-ishq dekhā thā
ab tak āñkhoñ se ḳhuuñ Tapaktā hai
han kabhi KHwab-e-ishq dekha tha
ab tak aankhon se KHun Tapakta hai
koī ma.āl-e-mohabbat mujhe batāo nahīñ
maiñ ḳhvāb dekh rahā huuñ mujhe jagāo nahīñ
koi maal-e-mohabbat mujhe batao nahin
main KHwab dekh raha hun mujhe jagao nahin
ragoñ meñ dauḌtī haiñ bijliyāñ lahū ke evaz
shabāb kahte haiñ jis chiiz ko qayāmat hai
ragon mein dauDti hain bijliyan lahu ke ewaz
shabab kahte hain jis chiz ko qayamat hai
rañg o bū meñ Duube rahte the havās
haa.e kyā shai thī bahār-e-ārzū
rang o bu mein Dube rahte the hawas
hae kya shai thi bahaar-e-arzu
shabāb naam hai us jāñ-navāz lamhe kā
jab aadmī ko ye mahsūs ho javāñ huuñ maiñ
shabab nam hai us jaan-nawaz lamhe ka
jab aadmi ko ye mahsus ho jawan hun main
