ġhurbat ne chhīn liiñ mere chehre kī raunaqeñ

yuuñ to kisī amiir se kamtar nahīñ huuñ maiñ

ghurbat ne chhin lin mere chehre ki raunaqen

yun to kisi amir se kamtar nahin hun main

hamārī tabī'at ko sahrā kī jānib

hamārā hī shauq-e-junūñ khīñchtā hai

hamari tabi'at ko sahra ki jaanib

hamara hi shauq-e-junun khinchta hai

is liye ḳhaak se ulfat hai ki ḳhaak honā hai

ye rivāyat nahīñ aayat hai ki ḳhaak honā hai

is liye KHak se ulfat hai ki KHak hona hai

ye riwayat nahin aayat hai ki KHak hona hai

muskurātā huuñ to rotā hai mirā zaḳhm-e-jigar

rone lagtā huuñ to hoñToñ ko chubhan hotī hai

muskuraata hun to rota hai mera zaKHm-e-jigar

rone lagta hun to honTon ko chubhan hoti hai

tark-e-ta.alluqāt pe raazī nahīñ huuñ maiñ

ya.anī tumhārī baat pe raazī nahīñ huuñ maiñ

tark-e-talluqat pe raazi nahin hun main

yani tumhaari baat pe raazi nahin hun main