ajiib ujrat mohabbatoñ kī vo de gayā hai

kiyā hai andhe hujūm par āshkār mujh ko

ajib ujrat mohabbaton ki wo de gaya hai

kiya hai andhe hujum par aashkar mujh ko

bahār ban ke hasīñ darīchoñ meñ aane vaalā

chalā gayā hai bharā chaman sogvār kar ke

bahaar ban ke hasin darichon mein aane wala

chala gaya hai bhara chaman sogwar kar ke

ham talvār uThā nahīñ paa.e

ham āvāz uThā sakte the

hum talwar uTha nahin pae

hum aawaz uTha sakte the

jo jaan chhiḌakte the vahī kahte haiñ mujh se

tū halqa-e-ahbāb meñ shāmil hī kahāñ thā

jo jaan chhiDakte the wahi kahte hain mujh se

tu halqa-e-ahbab mein shamil hi kahan tha

tire huzūr mirī fikr kī rasā.ī kyā

tire jamāl kā manzar ho kyā bayāñ mujh se

tere huzur meri fikr ki rasai kya

tere jamal ka manzar ho kya bayan mujh se