aisā kyā 'ishq jo rusvā.ī 'atā kar na sake

aisī kis kaam kī rusvā.ī ki shohrat bhī nahīñ

aisa kya 'ishq jo ruswai 'ata kar na sake

aisi kis kaam ki ruswai ki shohrat bhi nahin

galī ke moḌ pe beva hai bad-nasīb koī

suhāganoñ ke liye chūḌiyāñ banātī hai

gali ke moD pe bewa hai bad-nasib koi

suhaganon ke liye chuDiyan banati hai

ḳhvāb meñ koī to manzil unheñ dikhtī hogī

jaate to hoñge kahīñ niiñd meñ chalne vaale

KHwab mein koi to manzil unhen dikhti hogi

jate to honge kahin nind mein chalne wale

tumhāre hijr ko vo kam-nasīb kyā samjhe

jise ḳhabar hī nahīñ kis qadar hasīñ ho tum

tumhaare hijr ko wo kam-nasib kya samjhe

jise KHabar hi nahin kis qadar hasin ho tum

zaḳhm nahīñ mā'lūm chalā par daaġh kahāñ kho saktā hai

dard usī ke ās-pās hai aur kahāñ ho saktā hai

zaKHm nahin ma'lum chala par dagh kahan kho sakta hai

dard usi ke aas-pas hai aur kahan ho sakta hai