vo jo ik shaḳhs tumheñ yaad kiyā kartā thā

aaj masrūf bahut hai use tum yaad karo

wo jo ek shaKHs tumhein yaad kiya karta tha

aaj masruf bahut hai use tum yaad karo

yūñhī hañste hue chhoḌeñge ġhazal kī mahfil

ek aañsū se ziyāda koī rone kā nahīñ

yunhi hanste hue chhoDenge ghazal ki mahfil

ek aansu se ziyaada koi rone ka nahin

vo ye kahte haiñ sadā ho to tumhāre jaisī

is kā matlab to yahī hai ki pukāre jaao

wo ye kahte hain sada ho to tumhaare jaisi

is ka matlab to yahi hai ki pukare jao

jo bhī kuchh achchhā burā honā hai jaldī ho jaa.e

shahr jaage yā mirī niind hī gahrī ho jaa.e

jo bhi kuchh achchha bura hona hai jaldi ho jae

shahr jage ya meri nind hi gahri ho jae