aaj dar-pesh hai phir se mujhe karbal kā safar

aaj kuchh mere taraf-dār bhī kam aa.e haiñ

aaj dar-pesh hai phir se mujhe karbal ka safar

aaj kuchh mere taraf-dar bhi kam aae hain

apnī tasvīr aise mat dekho

aañkh ko aa.ina nahīñ karte

apni taswir aise mat dekho

aankh ko aaina nahin karte

chaltā hai saath saath ḳhamoshī kā ik hujūm

thak kar gireñge ham to sadā.eñ lagā.eñge

chalta hai sath sath KHamoshi ka ek hujum

thak kar girenge hum to sadaen lagaenge

tum ko ma.alūm kyā hai āzādī

tum parinde rihā nahīñ karte

tum ko malum kya hai aazadi

tum parinde riha nahin karte

shauq-e-dīdār meñ chale aa.e

chāñdnī raat aur ham donoñ

shauq-e-didar mein chale aae

chandni raat aur hum donon