musālahat se nikāleñge hal du'ā se nahīñ

hamārā mas.ala bandoñ se hai ḳhudā se nahīñ

musalahat se nikalenge hal du'a se nahin

hamara masala bandon se hai KHuda se nahin

us ne apnā naam mere naam ke aage likhā

aur phir donoñ adhūre naam puure ho gaye

us ne apna nam mere nam ke aage likha

aur phir donon adhure nam pure ho gaye

jiine vaale pe kyā guzartī hai

marne vaalā ye sochtā hī nahīñ

jine wale pe kya guzarti hai

marne wala ye sochta hi nahin

udaas tum ho vahāñ par udaas ham haiñ yahāñ

kabhī milo to ikaTThe udaas rahte haiñ

udas tum ho wahan par udas hum hain yahan

kabhi milo to ikaTThe udas rahte hain

be-ḳhayālī meñ kahāñ terī galī meñ aa gayā

maiñ zarūrī kaam se niklā thā daftar kī taraf

be-KHayali mein kahan teri gali mein aa gaya

main zaruri kaam se nikla tha daftar ki taraf