tum āsmāñ kī bulandī se jald lauT aanā

hameñ zamīñ ke masā.il pe baat karnī hai

tum aasman ki bulandi se jald lauT aana

hamein zamin ke masail pe baat karni hai

chhup gayā eid kā chāñd nikal kar der huī par jaane kyoñ

nazreñ ab tak Tikī huī haiñ masjid ke mīnāroñ par

chhup gaya eid ka chand nikal kar der hui par jaane kyon

nazren ab tak Tiki hui hain masjid ke minaron par

aur agar ho na sake kuchh bhī ujāloñ kī sabīl

ik charāġh apne lahū se hī jalā deñ ham log

aur agar ho na sake kuchh bhi ujalon ki sabil

ek charagh apne lahu se hi jala den hum log

yuuñ bhī kaT sakte haiñ ye tishna-labī ke lamhāt

baiTh kar bazm meñ saaqī ko duā deñ ham log

yun bhi kaT sakte hain ye tishna-labi ke lamhat

baiTh kar bazm mein saqi ko dua den hum log

jis ke saa.e meñ ta.assub kī tapish shāmil ho

vaqt kahtā hai vo dīvār girā deñ ham log

jis ke sae mein tassub ki tapish shamil ho

waqt kahta hai wo diwar gira den hum log