mirā zamīr bahut hai mujhe sazā ke liye

tū dost hai to nasīhat na kar ḳhudā ke liye

mera zamir bahut hai mujhe saza ke liye

tu dost hai to nasihat na kar KHuda ke liye

un se milte the to sab kahte the kyuuñ milte ho

ab yahī log na milne kā sabab pūchhte haiñ

un se milte the to sab kahte the kyun milte ho

ab yahi log na milne ka sabab puchhte hain

kabhī ziyāda kabhī kam rahā hai āñkhoñ meñ

lahū kā silsila paiham rahā hai āñkhoñ meñ

kabhi ziyaada kabhi kam raha hai aankhon mein

lahu ka silsila paiham raha hai aankhon mein

zindagī ham se tire naaz uThā.e na ga.e

saañs lene kī faqat rasm adā karte the

zindagi hum se tere naz uThae na gae

sans lene ki faqat rasm ada karte the

kitāb-e-husn hai tū mil khulī kitāb kī tarah

yahī kitāb to mar mar ke maiñ ne azbar kī

kitab-e-husn hai tu mil khuli kitab ki tarah

yahi kitab to mar mar ke main ne azbar ki