ai zindagī kabhī inkār kā sabab bhī sun

maiñ thak gayā huuñ terī haañ meñ haañ milāte hue

ai zindagi kabhi inkar ka sabab bhi sun

main thak gaya hun teri han mein han milate hue

'arsh' bahāroñ meñ bhī aayā ek nazāra patjhaḌ kā

sabz shajar ke sabz tane par ik sūkhī sī Daalī thī

'arsh' bahaaron mein bhi aaya ek nazara patjhaD ka

sabz shajar ke sabz tane par ek sukhi si Dali thi

dasht kī nā-tamām rāhoñ par

koī sāthī hai to shajar tanhā

dasht ki na-tamam rahon par

koi sathi hai to shajar tanha

na.ī nahīñ hai ye tanhā.ī mere hujre kī

maraz ho koī bhī hai chārāgar se Dar jaanā

nai nahin hai ye tanhai mere hujre ki

maraz ho koi bhi hai chaaragar se Dar jaana

nayā nayā hai so kah lo ise akelā-pan

phir is maraz ke ka.ī aur naam ā.eñge

naya naya hai so kah lo ise akela-pan

phir is maraz ke kai aur nam aaenge