احمد معراج

احمد معراج کا تعارف

احمد معراج کا آبائی وطن بہار کے مردم خیزخطہ سارن کی بستی’اَرنا‘ ہے۔ انھوں نے کلکتہ یونیورسٹی کے مایہ ناز کالج ’مولاناآزاد کالج‘ سے گریجویشن، مولانا آزاد نیشنل اردو یونیورسٹی سے امتیازی نمبروں سے ایم۔ اے اوربی۔ ایڈ اورناگپور یونیورسٹی سے بی۔ پی۔ ایڈکی ڈگری حاصل کی۔ ’سیدمنظرامام :شخصیت اور ادبی کارگزاریاں ‘ کے موضوع پرللت نارائن متھلا یونیورسٹی، دربھنگہ، بہار سے انھیں ڈاکٹریٹ کی سند تفویض کی گئی، جس میں انھوں نے سید منظر امام کی شخصیت، صحافتی دروبست، منظوم اور ان کی منثورادبی فعالیت کا احاطہ کیاہے۔
انھوں نے بھاگل پورفسادسے متعلق یک موضوعی چونسٹھ نظموں کے مجموعے ’آنکھوں دیکھی‘کے حوالے سے اکابرینِ ادب کی تحریروں کو مرتب کیا ہے۔یہ کتاب 2016میں’ آنکھوں دیکھی :تجزیہ‘ کے نام سے شایع ہوئی، جس پر بہار اردو اکادمی نے انھیں انعام سے نوازا۔
ان کا پہلا شعری مجموعہ’’صحرائے جنوں‘‘2022میں عرشیہ پبلی کیشنز، دہلی کے زیر اہتمام شایع ہوا۔
احمد معراج کا شمار نئی نسل کے اہم شعرا میں ہوتا ہے، جنھوں نے اپنی شاعری کو اپنے داخلی محسوسات کی آماجگاہ بنایا ہے۔کلاسیکی شعری روایت سے اخذ و استفادے نے انھیں گردوپیش میں پھیلی کائنات کے ازلی رنج و الم اور جمال و انبساط کو جدید لب و لہجے میں بیان کرنے کی وہ قوت دی ہے، جس سے وہ نئے شعری آفاق کے سفرپر گامزن ہیں۔ ان کی شاعری میں شورنہیں فکری التفات کے کنایے ملتے ہیں۔

موضوعات

مصنف

تمام

تعارف

ای-کتاب2

غزل5

ویڈیو 9

ای-کتاب2

احمد معراج کا تعارف

موضوعات

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books