āḳhirī ummīd bhī āñkhoñ se chhalkā.e hue

kaun sī jānib chale haiñ tere Thukrā.e hue

aaKHiri ummid bhi aankhon se chhalkae hue

kaun si jaanib chale hain tere Thukrae hue

ban sañvar kar rahā karo 'hasrat'

us kī paḌ jaa.e ik nazar shāyad

ban sanwar kar raha karo 'hasrat'

us ki paD jae ek nazar shayad

guzre jidhar se nuur bikhere chale ga.e

vo ham-safar hue to añdhere chale ga.e

guzre jidhar se nur bikhere chale gae

wo ham-safar hue to andhere chale gae

hamāre ahd kā ye alamiya hai

ujāle tīrgī se Dar ga.e haiñ

hamare ahd ka ye alamiya hai

ujale tirgi se Dar gae hain

hijr kā din kyuuñ chaḌhne paa.e

vasl kī shab tūlānī kar do

hijr ka din kyun chaDhne pae

wasl ki shab tulani kar do