maañ ne likhā hai ḳhat meñ jahāñ jaao ḳhush raho

mujh ko bhale na yaad karo ghar na bhūlnā

man ne likha hai KHat mein jahan jao KHush raho

mujh ko bhale na yaad karo ghar na bhulna

hazār manzil-e-ġham se guzar chuke lekin

abhī junūn-e-mohabbat kī ibtidā bhī nahīñ

hazar manzil-e-gham se guzar chuke lekin

abhi junun-e-mohabbat ki ibtida bhi nahin

kitnī tavīl kyuuñ na ho bātil kī zindagī

har raat kā hai sub.h muqaddar na bhūlnā

kitni tawil kyun na ho baatil ki zindagi

har raat ka hai subh muqaddar na bhulna

jab bhī miltā huuñ vahī chehra liye

bad-duā detā hai ā.īna mujhe

jab bhi milta hun wahi chehra liye

bad-dua deta hai aaina mujhe

tār-e-nazar bhī ġham kī tamāzat se ḳhushk hai

vo pyaas hai mile to samundar sameT luuñ

tar-e-nazar bhi gham ki tamazat se KHushk hai

wo pyas hai mile to samundar sameT lun