تو یہ نہ پوچھ مرے گاؤں میں ہیں گھر کتنے

یہ پوچھ کون سے گھر میں عذاب کتنے ہیں

پھول تو کیا خار بھی منظور ہیں

بے رخی سے یوں مگر پھینکو نہیں

جوش تکمیل تمنا ہے خدا خیر کرے

خاک ہونے کا اندیشہ ہے خدا خیر کرے

بھولے سے آ گیا ہوں فرشتوں کے دیس میں

کس سے پتہ کروں کہ یہاں فرد کون ہے

ہر خوشی دل سے کیوں لگا بیٹھیں

کس میں غم ہو پتہ نہیں ہوتا

بھیگ جانے پر بھی جو بجھتا نہ تھا

آج وہ شعلہ دھواں ہونے کو ہے

شاید نکل ہی آئے کوئی چارہ گر فگارؔ

اک بار اور دیکھ صدا کر کے شہر میں

مچلتی شوخ موجوں کو میں اپنے نام کیوں لکھوں

کہ آخر خشک ہوگا موسم برسات کا دریا