- کتاب فہرست 179741
-
-
کتابیں : بہ اعتبار موضوع
-
کارگزاریاں86
ادب اطفال1988
ڈرامہ919 تعلیم344 مضامين و خاكه1379 قصہ / داستان1585 صحت105 تاریخ3275طنز و مزاح608 صحافت202 زبان و ادب1705 خطوط738
طرز زندگی30 طب981 تحریکات272 ناول4298 سیاسی354 مذہبیات4755 تحقیق و تنقید6593افسانہ2681 خاکے/ قلمی چہرے242 سماجی مسائل109 تصوف2037نصابی کتاب451 ترجمہ4249خواتین کی تحریریں5829-
کتابیں : بہ اعتبار موضوع
- بیت بازی14
- اشاریہ4
- اشعار68
- دیوان1278
- دوہا48
- رزمیہ101
- شرح181
- گیت63
- غزل1258
- ہائیکو11
- حمد52
- مزاحیہ31
- انتخاب1597
- کہہ مکرنی7
- کلیات580
- ماہیہ20
- مجموعہ4853
- مرثیہ386
- مثنوی746
- مسدس42
- نعت580
- نظم1193
- دیگر82
- پہیلی15
- قصیدہ182
- قوالی17
- قطعہ67
- رباعی272
- مخمس15
- ریختی12
- باقیات17
- سلام34
- سہرا12
- شہر آشوب، ہجو، زٹل نامہ17
- تاریخ گوئی26
- ترجمہ74
- واسوخت25
امین احسن اصلاحی کا تعارف
شناخت: مشہور عالمِ دین، مفسرِ قرآن اور مفکرِ اسلام
مولانا امین احسن اصلاحی 1904ء میں اعظم گڑھ کے گاؤں بمہور میں پیدا ہوئے۔ ان کی ابتدائی تعلیم گاؤں کے مکتب میں ہوئی، جس کے بعد ان کے رشتہ کے چچا مولانا شبلی متکلم ندو(مہتمم مدرستہ الاصلاح) کے ایما پر ان کو مدرسہ الاصلاح (سرائے میر) میں داخل کر دیا گیا۔ مدرسہ میں آٹھ سالہ قیام کے دوران انہوں نے عربی زبان، قرآن، حدیث اور فقہ میں غیر معمولی دسترس حاصل کی۔
تعلیم سے فراغت کے بعد 1922ء میں محض 18 سال کی عمر میں انہوں نے صحافت میں قدم رکھا۔ وہ سہ روزہ 'مدینہ' (بجنور) کے نائب مدیر مقرر ہوئے، جو تحریکِ خلافت کا علمبردار تھا۔ اس کے علاوہ انہوں نے بچوں کے ہفت روزہ 'غنچہ' کی ادارت کی اور مولانا عبد الماجد دریابادی کے ہفت روزہ 'سچ' میں بھی خدمات انجام دیں۔
مولانا اصلاحی کی زندگی کا سب سے اہم موڑ 1925ء میں آیا جب وہ صحافت چھوڑ کر اپنے استاد مولانا حمید الدین فراہی کے پاس علومِ قرآن میں تخصص کے لیے چلے گئے۔ انہوں نے نہ صرف مولانا فراہی سے تفسیر پڑھی بلکہ ان کے مخصوص 'طریقہ تفسیر' (نظمِ قرآن) میں مہارت حاصل کی۔ ان کی پوری علمی زندگی اپنے استاد کے افکار کی تشریح اور انہیں منطقی انجام تک پہنچانے میں صرف ہوئی۔
مولانا اصلاحی جماعت اسلامی کے بانی ارکان میں شامل تھے اور مولانا مودودی کے بعد جماعت کی دوسری اہم ترین شخصیت سمجھے جاتے تھے۔ انہوں نے طویل عرصے تک جماعت میں کلیدی کردار ادا کیا، تاہم 1958ء میں بعض اصولی اختلافات کی بنا پر انہوں نے جماعت سے علیحدگی اختیار کر لی۔ بعد ازاں انہوں نے ڈاکٹر اسرار احمد اور دیگر رفقا کے ساتھ مل کر 'تنظیم اسلامی' کے قیام کی کوشش کی، تاہم بعض حوادث کی بنا پر یہ کوشش کامیاب نہ ہو سکی۔
مولانا اصلاحی کا سب سے بڑا علمی کارنامہ ان کی شہرہ آفاق تفسیر 'تدبرِ قرآن' ہے، جو اگست 1980ء میں مکمل ہوئی۔ اس تفسیر کے بارے میں وہ خود لکھتے ہیں کہ یہ ان کی اپنی 55 سالہ محنت اور ان کے استاد مولانا فراہی کی عمر بھر کی سوچ کا نچوڑ ہے، جسے وہ 'ایک صدی کا قرآنی فکر' قرار دیتے ہیں۔ یہ تفسیر 'نظمِ قرآن' کے حوالے سے پوری دنیا میں منفرد مقام رکھتی ہے۔
تفسیر کی تکمیل کے بعد انہوں نے حدیث کی طرف توجہ فرمائی اور 1401ھ میں 'ادارہ تدبر قرآن و حدیث' قائم کیا۔ اس ادارے کے تحت انہوں نے دروسِ حدیث دئے اور تحقیقی مجلہ 'تدبر' جاری کیا۔ بڑھتی ہوئی نقاہت اور پیرانہ سالی کے باعث 1993ء میں آپ کے دروس کا یہ سلسلہ منقطع ہو گیا۔
وفات: 15 دسمبر 1997ء کو انتقال ہوا۔
مددگار لنک : | https://en.wikipedia.org/wiki/Amin_Ahsan_Islahi
join rekhta family!
-
کارگزاریاں86
ادب اطفال1988
-
