بہت مشکل تھا جن کو ڈھونڈنا میک اپ کے ملبے سے

سو اندازے سے ان کا بانکپن لکھنا پڑا مجھ کو

چھوڑا ہے جب سے پردہ مردا گئی ہے عورت

رد و بدل ہے کیا کیا یہ عرض پھر کروں گا

مری مجبوریوں نے نازکی کا خون کر ڈالا

ہر اک گوبھی بدن کو گل بدن لکھنا پڑا مجھ کو

عرق النسا کا نسخہ مہر النسا نے لکھا

نسخے میں کیا لکھا تھا یہ عرض پھر کروں گا

پتہ مشکل سے چلتا ہے مذکر اور مؤنث کا

کبھی معلوم ہوتا ہے کبھی معلوم ہوتی ہے

ہماری عمر اب ایسی ہے ہم سیٹی نہیں سنتے

رکا کرتے تھے خوش ہو کر کبھی سیٹی بجانے پر

جنہیں ساڑی میں آنا تھا وہ پتلونوں میں آئیں تھیں

تمیز مرد و زن دشوار تھی کل شب جہاں میں تھا

بسا اوقات حرمت بھی قلم کی داؤ پر رکھ دی

لٹیروں کو محبان وطن لکھنا پڑا مجھ کو

زلیخائیں بضد تھیں ایک یوسف کے لیے یارو

بڑی ہی گرمئ بازار تھی کل شب جہاں میں تھا

کسی مس سے جو نادانی میں کچھ مسٹیک ہو جائے

دعا کرتے ہیں نادانی بھی فال نیک ہو جائے

رکے جس دم وہ دم لینے تو صدر انجمن بولیں

ہماری نسل آئندہ بھی اب آنے ہی والی ہے

سنا ہے موڈ میں بارہ بجے وہ آتا ہے

سو اس کے موڈ سے پہلے کھسک کے دیکھتے ہیں

سنا ہے اس کو بہت سے اچکے دیکھتے ہیں

سو ہم بھی دامن تقویٰ جھٹک کے دیکھتے ہیں