ہر دم دعائے آب و ہوا مانگتے رہے

ننگے درخت سبز قبا مانگتے رہے

دیوانگی کی ایسی ملے گی کہاں مثال

کانٹے خریدتا ہوں گلابوں کے شہر میں

خواب بکھریں گے تو ہم کو بھی بکھرنا ہوگا

شب کی اک ایک اذیت سے گزرنا ہوگا

لاکھ سورج کی عنایات رہیں میرے ساتھ

میرا سایہ نہ مرے قد کے برابر پھیلا

اس عہد میں رشتوں کی بے رنگ دکانوں میں

ہیرے سے بھی مہنگا ہے وشواس کا آئینہ

اترا تھا میری روح کے روزن سے جو کبھی

گھٹ گھٹ کے میرے جسم میں مرنے لگا ہے وہ

جب زمیں کے مقدر سنور جائیں گے

آسماں سے فرشتے اتر آئیں گے

یاد کی خوشبو دل کے نگر میں پھیلے گی

غم کے سائے لگتے ہیں اب شیتل سے

صحیفے فکر و نظر کے جو دے گئے ترتیب

وہی تو شعر و سخن کے پیمبروں میں رہے