اے آر خاتون دہلوی

اے آر خاتون دہلوی کا تعارف

اصلی نام : امۃ الرحمٰن

پیدائش :دلی

وفات : 24 Feb 1965 | لاہور, پنجاب

شناخت: مقبول ناول نگار، گھریلو و سماجی زندگی کی ترجمان اور تہذیبی و اخلاقی اقدار کی عکاس

اے آر خاتون، ( اصل نام امتہ الرحمٰن) 1900ء کو دہلی، برطانوی ہندوستان میں پیدا ہوئیں۔ بچپن ہی سے مطالعے اور لکھنے پڑھنے کا شوق رکھتی تھیں۔ گھریلو ماحول میں رہتے ہوئے انھوں نے اپنی تعلیم مکمل کی اور ادبی ذوق کی آبیاری کی۔ ابتدا میں ان کے مضامین معروف ادبی رسالے ’’عصمت‘‘ میں شائع ہوتے رہے، جہاں سے ان کی ادبی شناخت قائم ہونا شروع ہوئی۔

اے آر خاتون نے 1929ء میں اپنا پہلا ناول ’’شمع‘‘ تحریر کیا، جسے اپنے دل کش اسلوب اور جذباتی فضا کی وجہ سے غیر معمولی مقبولیت حاصل ہوئی۔ اس کامیابی کے بعد انھوں نے ناول نگاری کو باقاعدہ اپنی ادبی شناخت بنا لیا۔ ’’تصویر‘‘ ان کا دوسرا اہم ناول تھا، جسے بھی قارئین نے بے حد پسند کیا۔ بعد ازاں ’’افشاں‘‘، ’’فاکہہ‘‘، ’’چشمہ‘‘، ’’ہالہ‘‘، ’’رُمانہ‘‘، ’’فرحانہ‘‘، ’’زیور‘‘ اور ’’عصمہ‘‘ جیسے ناول منظر عام پر آئے اور اردو کے مقبول عام ناولوں میں شمار ہونے لگے۔ ان کے ناول خصوصاً خواتین قارئین میں بے حد مقبول ہوئے اور طویل عرصے تک شوق سے پڑھے جاتے رہے۔

اے آر خاتون کے ناولوں میں گھریلو زندگی، مشرقی اقدار، خاندانی تعلقات اور برصغیر کے مسلم معاشرے کی تہذیبی و اخلاقی صورت حال نمایاں طور پر دکھائی دیتی ہے۔ ان کے یہاں کردار نگاری اور کہانی کے انداز میں ایک خاص تسلسل ملتا ہے، تاہم ان کی اصل قوت معاشرتی زندگی کی بدلتی ہوئی تصویروں کو جذباتی اور مؤثر پیرائے میں پیش کرنا ہے۔ ان کی تحریروں میں عورت کے جذبات، گھریلو کشمکش، روایت اور جدیدیت کے تصادم اور اخلاقی اقدار کے زوال و بقا جیسے موضوعات نمایاں ہیں۔

تقسیمِ ہند کے بعد اے آر خاتون پاکستان منتقل ہوگئیں اور یہیں اپنی ادبی سرگرمیاں جاری رکھیں۔ ان کے کئی ناول پاکستان ٹیلی ویژن سے ڈرامائی صورت میں پیش کیے گئے، جن میں ’’افشاں‘‘، ’’تصویر‘‘ اور ’’شمع‘‘ کو خاص شہرت حاصل ہوئی۔ ان ناولوں کی ڈرامائی تشکیل معروف ادیبہ فاطمہ ثریا بجیا نے کی، جس کے بعد ان کی مقبولیت میں مزید اضافہ ہوا اور نئی نسل بھی ان کی تحریروں سے متعارف ہوئی۔

وفات: اے آر خاتون کا انتقال 24 فروری 1965ء کو لاہور میں ہوا۔

موضوعات

مصنف فکشن رائٹر

تمام

تعارف

ای-کتاب27

ای-کتاب27

اے آر خاتون دہلوی کا تعارف

موضوعات

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books