عطا عابدی کی شاعری

عطا عابدی کے اشعار

ضرورت ڈھل گئی رشتے میں ورنہ

یہاں کوئی کسی کا اپنا کب ہے

صبر کی حد بھی تو کچھ ہوتی ہے

کتنا پلکوں پہ سنبھالوں پانی

آج بھی پریمؔ کے اور کرشنؔ کے افسانے ہیں

آج بھی وقت کی جمہوری زباں ہے اردو

ادب ہی زندگی میں جب نہ آیا

ادب میں اتنی محنت کس لئے ہے

کسی کے جسم و جاں چھلنی کسی کے بال و پر ٹوٹے

جلی شاخوں پہ یوں لٹکے کبوتر دیکھ آیا ہوں

خواب ہی خواب کی تعبیر ہوا تو جانا

زندگی کیوں کسی آنکھوں کے اثر میں آئی

کوئی بھی خوش نہیں ہے اس خبر سے

کہ دنیا جلد لوٹے گی سفر سے

سب خواب پرانے ہیں ہر چند فسانے ہیں

ہم روز بساتے ہیں آنکھوں میں نئی دنیا