mas.ala ho sāmne to is kā hal bhī chāhiye

jab galā achchhā ho to achchhī ġhazal bhī chāhiye

masala ho samne to is ka hal bhi chahiye

jab gala achchha ho to achchhi ghazal bhi chahiye

vo kitnī jhiḌkiyāñ khāte haiñ sub.h-o-shām biivī kī

magar vaa.iz ko dekhā aap ne āh-o-fuġhāñ karte

wo kitni jhiDkiyan khate hain subh-o-sham biwi ki

magar waiz ko dekha aap ne aah-o-fughan karte

ḳhushbū-e-murġh aatī hai har lafz lafz se

karte haiñ guftugū jo kisī maulvī se ham

KHushbu-e-murgh aati hai har lafz lafz se

karte hain guftugu jo kisi maulwi se hum

muñh apnā ek baar jalā thā jo duudh se

piine lage haiñ phūñk ke maThThā tabhī se ham

munh apna ek bar jala tha jo dudh se

pine lage hain phunk ke maThTha tabhi se hum

baḌā ehsān hai begam sudhārā aap ne mujh ko

vagarna zindagī kaTtī mirī ḳhar-mastiyāñ karte

baDa ehsan hai begam sudhaara aap ne mujh ko

wagarna zindagi kaTti meri KHar-mastiyan karte