mas.ala ho sāmne to is kā hal bhī chāhiye

jab galā achchhā ho to achchhī ġhazal bhī chāhiye

masala ho samne to is ka hal bhi chahiye

jab gala achchha ho to achchhi ghazal bhi chahiye

tiin beTe the ḳhudā ke fazl se mere magar

innā lillāh āḳhirī beTā bhī shā.ir ho gayā

tin beTe the KHuda ke fazl se mere magar

inna lillah aaKHiri beTa bhi shair ho gaya

vo kitnī jhiḌkiyāñ khāte haiñ sub.h-o-shām biivī kī

magar vaa.iz ko dekhā aap ne āh-o-fuġhāñ karte

wo kitni jhiDkiyan khate hain subh-o-sham biwi ki

magar waiz ko dekha aap ne aah-o-fughan karte

muñh apnā ek baar jalā thā jo duudh se

piine lage haiñ phūñk ke maThThā tabhī se ham

munh apna ek bar jala tha jo dudh se

pine lage hain phunk ke maThTha tabhi se hum

uThāyā jis ne bhī juutā baḌhāyā sar ham ne

qusūr-vār bas apnā hī sar lage hai hameñ

uThaya jis ne bhi juta baDhaya sar hum ne

qusur-war bas apna hi sar lage hai hamein