نہ بات دل کی سنوں میں نہ دل سنے میری

یہ سرد جنگ ہے اپنے ہی اک مشیر کے ساتھ

ہم اہل غم کو حقارت سے دیکھنے والو

تمہاری ناؤ انہیں آنسوؤں سے چلتی ہے

ملن کے بعد آتی ہے جدائی

نرک بھی سورگ سے کتنا نکٹ ہے

رستے میں فہیمؔ اس کی طبیعت کا بگڑنا

گھر جانے کا اک اور بہانہ تو نہیں ہے

دہن گیسو زباں آنکھیں اشارے

سبھی رستے لب اظہار کے ہیں

تیری یادیں ہو گئیں جیسے مقدس آیتیں

چین آتا ہی نہیں دل کو تلاوت کے بغیر

تمہاری یاد سے یہ رات کتنی روشن ہے

نظر میں اتنے ہیں جگنو کہ ہم گنائیں کیا

بند کمرے میں ترا درد نہ بجھ جائے کہیں

کھڑکیاں کھول کہ یہ آگ ہوا چاہتی ہے

رہ گئی ہے کچھ کمی تو کیا شکایت ہے فہیمؔ

اس جہاں میں سب ادھورے ہیں مکمل کون ہے

اڑانیں بھرنے والے یہ پرندے

نمائندہ تری رفتار کے ہیں

شام خاموش ہے پیڑوں پہ اجالا کم ہے

لوٹ آئے ہیں سبھی ایک پرندہ کم ہے

کسی کے در پہ سجدہ کرتے کرتے

فہیمؔ ایسا نہ ہو سر ٹوٹ جائے

کتنے طوفانوں سے ہم الجھے تجھے معلوم کیا

پیڑ کے دکھ درد کا پھولوں سے اندازہ نہ کر

مرگھٹ پتھ پر دیکھ کے ہم کو جانے کیا کیا سوچیں وہ

آنکھوں سے کیا پنیہ کمائے ہونٹوں سے کیا دان ہوئے

واقف کہاں زمانہ ہماری اڑان سے

وہ اور تھے جو ہار گئے آسمان سے

جائیں گے ایک روز سمندر کی گود میں

دریا کے ساتھ ریت کی تحریر اور ہم