فرحان حنیف وارثی کی شاعری

جس کی خاطر سبھی رشتوں سے ہوا تھا منکر

اب سنا ہے کہ وہی شخص خفا ہے مجھ سے

وہ ایک موڑ جہاں وہ کبھی ملا تھا مجھے

اس ایک موڑ پر اس کو جدا بھی ہونا تھا

ابھی مجھ میں بہت ہمت ہے لیکن

کسی ہارے ہوئے لشکر میں ہوں میں

اور کیا دیں گے ہم تجھے جاناں

زندگی تیرے نام کرتے ہیں

مجھ سے بچھڑا ہے مگر یہ بھی نہ سوچا تو نے

اس قدر ٹوٹ کے پھر کون تجھے چاہے گا

تمہی نے راہ میں اک گھر بسا لیا ورنہ

محبتوں کا سفر تو طویل تھا جاناں

ہماری چاہتیں سچ ہیں مگر حالات کا دریا

مجھے اس پار رکھتا ہے تجھے اس پار رکھتا ہے

ثبت ہے میرے لبوں پر آج بھی تیرا وہ لمس

آج بھی ہے تیرے خوابوں کا بسیرا آنکھ میں

یہ رستہ تو سیدھا اس کے گھر تک جا کر رکتا ہے

اے میرے آوارہ قدمو کس رخ پر لے آئے تم

روز مجھ کو وہ یاد آتا ہے

روز میں خود کو بھول جاتا ہوں

یہ گھٹا جام اور تنہائی

یاد آتا ہے بے وفا کوئی

اس سے ملنے کا بہانہ چاہے

دل وہی درد پرانا چاہے

وہ میرے نام کرے اپنی خوشبوئیں ارسال

میں اس کے نام کروں اپنی شاعری سوچوں

پرندے سو گئے جا کے گھروں میں

شجر جنگل میں پھر کیوں جاگتا ہے

مطمئن ہے یہ میری قوم بہت

تو بھی کچھ خوش گمانیاں دے جا

اس کا انداز روٹھ جانے کا

ہے بہانہ قریب آنے کا

ورق ورق ہیں یہاں حادثات روز و شب

کتاب زیست میں منسوب اب کروں کس سے

وہ آنکھوں سے اتر آیا ہے دل میں

اسی منظر کے پس منظر میں ہوں میں

رات بھر کوئی سورج دہکتا لگے

میری آنکھوں کے یہ نور آنسو عجب

یہ اور بات کہ بھولے گا خد و خال مگر

وہ مجھ کو یاد رکھے گا کسی کتھا کی طرح

دلوں کے میل سے آگے لبوں کے سلسلے سارے

جو لب خاموش ہوتے ہیں تو آنکھیں بات کرتی ہیں

اول اول تو اس کو سب دلچسپی سے پڑھتے ہیں

جیسے میرا چہرہ بھی اخبار کا کوئی کالم ہو

میں بھی سپنے در آنے کے سب رستے مسدود کروں

تم بھی آنکھیں بند نہ کرنا وصل کا موسم آنے تک

ہر سوچتا دماغ ہر اک دیکھتی نظر

لمحوں کی بھاگ دوڑ میں شامل ہے ان دنوں

فرحان حنیف وارثی

تمام

ای-کتاب2

شعر24

غزل15

دیگر

ای-کتاب2

فرحان حنیف وارثی کے اشعار

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books