nigāh-e-shauq agar dil kī tarjumāñ ho jaa.e

to zarra zarra mohabbat kā rāz-dāñ ho jaa.e

nigah-e-shauq agar dil ki tarjuman ho jae

to zarra zarra mohabbat ka raaz-dan ho jae

aah ye barsāt kā mausam ye zaḳhmoñ kī bahār

ho gayā hai ḳhūn-e-dil āñkhoñ se jaarī in dinoñ

aah ye barsat ka mausam ye zaKHmon ki bahaar

ho gaya hai KHun-e-dil aankhon se jari in dinon

chaman vahī hai ghaTā.eñ vahī bahār vahī

magar guloñ meñ vo ab rañg-o-bū nahīñ baaqī

chaman wahi hai ghaTaen wahi bahaar wahi

magar gulon mein wo ab rang-o-bu nahin baqi

raheñ ġham kī sharar-añgeziyāñ yā-rab qayāmat tak

'hayā' ġham se na miltī gar kabhī fursat to achchhā thā

rahen gham ki sharar-angeziyan ya-rab qayamat tak

'haya' gham se na milti gar kabhi fursat to achchha tha