خیر النساء علیم

خیر النساء علیم کا تعارف

اصلی نام : سیدہ اظہر خیر النساء

پیدائش : 11 May 1948 | حیدر آباد, تلنگانہ

خیر النساء علیم کا پورا نام سیدہ اظہر خیر النساء ہے۔ ان کی ولادت 11 مئی 1948ء کو ایڈوکیٹ سید عبدالعلیم کے گھر حیدرآباد، تلنگانہ میں ہوئی۔ پیشہ درس و تدریس ہے۔ وہ افسانہ نگاری اور شاعری میں طبع آزمائی کرتی ہیں۔ ان کی تصنیفات اس طرح ہیں۔ (1)وہ چشم ہی کیا جو نم نہ ہو (افسانوی مجموعہ)، (2)ظلمتِ شب ہی سے تو ہوتی ہے نمودار سحر (افسانوی مجموعہ)، (3)پھر برسنے کو ہے آنسو سرِ مژگاں (افسانوی مجموعہ)، (4)دستک درِ دل پر (افسانوی مجموعہ)، (5)ایک دیا جلائے رکھنا (افسانوی مجموعہ)، (6)میری آواز سنو (افسانوی مجموعہ)، (7)میرے ہم سفر میرے ساتھ چل (افسانوی مجموعہ)، (8)ختم ہوئی بارشِ سنگ (افسانوی مجموعہ)، (9)عکس در عکس (خواتین قلم کاروں کی کتابوں پر تبصروں کا مجموعہ)، (10)اور جب قصرِ یقیں ٹوٹ گیا (افسانوی مجموعہ)، (11)حرف حرف آئینہ-2022ء (مرد ادیب حضرات پر تبصروں کا مجموعہ)

حمیرا عبدالواحد، پرنسپل کینوپسس ہائی اسکول (پنجہ شاہ)، حیدر آباد ان سے متعلق اظہار خیال اس طرح کرتی ہیں۔

”خیر النساء علیم کی شخصیت وفن کے بارے میں بہت کچھ کہا جا سکتا ہے لیکن میں یہاں مختصر تعارف پیش کروں گی۔ وہ ایک سیدھی سادی، سنجیدہ اور حساس قلم کار ہیں۔ وہ اپنی تخلیقات کو مؤثر الفاظ کا جامہ پہناکر قارئین کے سامنے پیش کرتی ہیں تاکہ دل پر نقش ہو جائے اور صحت مندادب کے ذریعہ معاشرے میں بیداری پیدا ہوسکے۔ یہی ایک حساس اور کامیاب قلم کار کی خوبی ہے۔

خیر النساء علیم کی تخلیقات جذبات واحساسات کی عکاس ہوتی ہیں، مصنفہ کی تخلیقات میں یہ احساسات محسوس کیے جاسکتے ہیں۔ وہ زندگی کو خوبصورتی سے سجانے کا سلیقہ رکھتی ہیں۔ اپنے قلم کو ہمیشہ محترک رکھتی ہیں۔ ظلمتِ شب میں سحر کی تلاش آپ کا مقصدِ حیات ہے۔ قلم کار کے قلم میں دم ہو تو وہ یقینا معاشرے کو آئینہ دکھانے کی جرأت کر سکتا ہے۔“

موضوعات

مصنف فکشن رائٹر

تمام

تعارف

ای-کتاب3

ای-کتاب3

خیر النساء علیم کا تعارف

موضوعات

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books