ḳhvāb Thahre the to āñkheñ bhīgne se bach ga.iiñ

varna chehre par to ġham kī bārishoñ kā aks hai

KHwab Thahre the to aankhen bhigne se bach gain

warna chehre par to gham ki barishon ka aks hai

maiñ kisī aur ko dekhūñ bhī to dekhūñ kaise

us ke ḳhvāboñ kī in āñkhoñ pe nigahbānī hai

main kisi aur ko dekhun bhi to dekhun kaise

us ke KHwabon ki in aankhon pe nigahbani hai

har daur kā jo aks hai vo aa.ina haiñ ham

taḳhlīq-e-kā.enāt kā ik silsila haiñ ham

har daur ka jo aks hai wo aaina hain hum

taKHliq-e-kaenat ka ek silsila hain hum

umr guzrī ik nigāh-e-lutf kī ummīd meñ

ham ko apne hausloñ kī ye adā achchhī lagī

umr guzri ek nigah-e-lutf ki ummid mein

hum ko apne hauslon ki ye ada achchhi lagi

na paḌh le koī tahrīreñ tumhāre zard chehre kī

dar-o-dīvār ghar ke shoḳh rangoñ se sajā rakhnā

na paDh le koi tahriren tumhaare zard chehre ki

dar-o-diwar ghar ke shoKH rangon se saja rakhna