منصور خوشتر کی شاعری

منصور خوشتر کے اشعار

ترے جور و جفا کا ہم کبھی شکوہ نہیں کرتے

محبت جس سے کرتے ہیں اسے رسوا نہیں کرتے

یقیں کر کہ میں تجھ سے بھی زیادہ چاہتا اس کو

جو میرے جیسا تیرا اور کوئی قدرداں ہوتا

توجہ آپ فرمائیں اگر تو

کچھ ہم بھی عرض کرنا چاہتے ہیں

کسی سے سرگزشت غم بیاں کرتا ہوں جب اپنی

کہانی وہ سراسر آپ کی معلوم ہوتی ہے

جو کبھی دیوار پہ لٹکائی تھی

اب ترے کمرے کی زینت بھی نہیں

تھا جو اک کافر مسلماں ہو گیا

پل میں ویرانہ گلستاں ہو گیا

ناز و انداز کی قیمت ہے ترے میرے سبب

کس کی محفل میں بھلا اور غضب ڈھاؤ گے