aa.e the be-niyāz tirī bārgāh meñ

jaate haiñ ik hujūm-e-tamannā liye hue

aae the be-niyaz teri bargah mein

jate hain ek hujum-e-tamanna liye hue

fazā meñ guuñj rahī haiñ kahāniyāñ ġham kī

hamīñ ko hausla-e-sharh-e-dāstāñ na rahā

faza mein gunj rahi hain kahaniyan gham ki

hamin ko hausla-e-sharh-e-dastan na raha

gumrahī rahh-numā.ī ke muqābil aa.ī

vaqt ne dekhiye dīvār pe likkhā kyā hai

gumrahi rahh-numai ke muqabil aai

waqt ne dekhiye diwar pe likkha kya hai

husn kī be-ruḳhī ko ahl-e-nazar

hāsil-e-iltifāt kahte haiñ

husn ki be-ruKHi ko ahl-e-nazar

hasil-e-iltifat kahte hain

ye zindagī jise apnā samajh rahe haiñ sab

hai musta.ār faqat raunaq-e-jahāñ ke liye

ye zindagi jise apna samajh rahe hain sab

hai mustaar faqat raunaq-e-jahan ke liye